Libangan Ito, Hindi Hanapbuhay
Walang sistema, walang diskarte, walang swerte na palaging panalo. Kaya may limitasyon.
21 anyos pataas lang. Itaya lang ang perang kaya mong mawala. Magtakda ng budget at oras bago ka magsimula, hindi habang naglalaro. Kapag nahihirapan ka nang huminto, may libreng tulong sa Pilipinas — nasa ibaba ang numero.
Limang panuntunan
Budget muna
Magdesisyon bago mag-cash in kung magkano ang handa mong mawala. Iyon lang ang ilagay.
Oras din
Mag-set ng alarm. Ang sultada ay tuloy-tuloy — ang gabi mo, hindi.
Huwag habulin ang talo
Ang doble ng taya pagkatapos matalo ay hindi diskarte. Iyon ang pinakamabilis na paraan para lumaki ang talo.
Hindi hiram na pera
Kung manghihiram ka pa para makataya, hinto muna. Hindi na iyon libangan.
Hindi habang lasing o galit
Masamang desisyon ang kasunod nito, halos palagi.
Sarili mong account
Isang account, sarili mong pangalan. Huwag ipahiram, lalo na sa menor de edad.
Mga senyales na dapat bantayan
| Paghabol | Naglalaro ka para bawiin ang talo, hindi para maglibang |
|---|---|
| Panghihiram | Umuutang o nagbebenta ng gamit para may pantaya |
| Pagsisinungaling | Itinatago mo sa pamilya kung gaano katagal o magkano |
| Pagkabalisa | Hindi ka mapakali kapag hindi ka nakakapaglaro |
| Pagpapabaya | Naaapektuhan na ang trabaho, pag-aaral o pamilya |
| Bigong huminto | Paulit-ulit mong sinasabing titigil ka, hindi natutuloy |
Saan humingi ng tulong
| National Problem Gambling Helpline | (02) 824 89568 — programa ng PAGCOR kasama ang Seagulls Flock Organization. Kumpidensiyal, may sanay na counselor. |
|---|---|
| NPGH sa Viber / WhatsApp | +63 998 207 2621 |
| NCMH Crisis Hotline | 1553 (landline, libre) o 1800-1888-1553 — para sa mental health crisis, 24/7 |
| Sarili mong bilog | Pamilya, kaibigan, o kahit sinong pagkakatiwalaan mo ng totoong sagot |
Ang mga numerong ito ay hindi konektado sa SWC at hindi kami ang nagpapatakbo ng mga ito. Inilalagay namin dito dahil dapat madaling mahanap.
Ang totoo tungkol sa panalo
Ang 190 plasada ay nangangahulugang ang ₱100 na taya ay nagbabalik ng ₱190 kapag panalo — hindi ₱200. Ang pagkakaiba ay ang parte ng bahay, at nandiyan iyon sa bawat taya. Sa mahabang panahon, ito ang dahilan kung bakit hindi ito paraan ng kita.